23.05.2026 | 18:21
Ըստ գտնվելու վայրի դիմումները կընդունվեն մինչև ժամը 19։00-ն. ՄՔԾ
Մեր երկրում պետք է անընդհատ կառույցներ լինեն. Վահրամ Բաղդասարյանը՝ պաշտոնյաների շքեղ առանձնատների մասին
Քաղաքականություն
20.11.2017 | 13:59
«Հայաստանում պետք է անընդհատ կառույցներ լինեն»,- խորհրդարանում լրագրողների հետ զրույցում ասաց ՀՀԿ խմբակցության ղեկավար Վահրամ Բաղդասարյանը՝ անդրադառնալով պաշտոնյաների շքեղ առանձնատներին և դրա առնչությամբ ընդդիմության քննադատություններին:
«Դուք կարող եք գնալ տարբեր երկրներ և տեսնել՝ ինչ իրավիճակ է այդ առումով: Վերջերս եմ վերադարձել Տաջիկստանից, այդ երկիրը շատ վատ վիճակի մեջ է իր ՀՆԱ-ով, սակայն այնտեղ մեծ շինարարություն է ընթանում, դղյակներ են կառուցվում»,- ասաց Վահրամ Բաղդասարյանը, ապա կոչ արեց ընդդիմադիրներին փաստեր ներկայացնել, որ պաշտոնյաները իրենց առանձնատները կառուցել են ապօրինի ճանապարհով:
Բաղդասարյանն իր օրինակով փորձեց վստահեցնել, որ մինչ պաշտոն ստանձնելն ինքը բիզնեսով զբաղվել է, թեև իր ունեցվածքը համեստ է:
Factor.am-ի հարցին՝ հանրապետականը հնարավորություն կտա՞ ընդդիմությանը ստեղծել ԱԺ ժամանակավոր հանձնաժողով և ուսումնասիրել պաշտոնյաների, մասնավորապես՝ վարչապետ Կարեն Կարապետյանի և ՊԵԿ նախագահ Վարդան Հարությունյանի ունեցվածքը, Վահրամ Բաղդասարյանը պատասխանեց. «Առաջարկությունը թող ներկայացնեն, բայց չեմ կարծում՝ դրանից կշահեն առաջարկություն անողները»:
Մանրամասները՝ տեսանյութում:
