07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Որևէ հիմք չկա Վանաձորում ավագանու նոր ընտրություններ կազմակերպելու համար. Վահրամ Բաղդասարյան
Քաղաքականություն
20.11.2017 | 13:08
Վանաձորի ավագանին լուծարելու համար կառավարությանը դիմելու անհրաժեշտություն չկա: Խորհրդարանական ճեպազրույցների ժամին հայտարարեց ՀՀԿ խմբակցության ղեկավար Վահրամ Բաղդասարյանն՝ անդրադառնալով Վանաձորում ստեղծված իրավիճակին:
« «Ելք»-ի իրավունքն է, կարող է դիմել կառավարություն, բայց առայժմ, իմ կարծիքով, դրա ահրաժեշտությունը չկա։ Եթե կհավաքվեն, քվորում կլինի և նիստը կկայանա, ապա ամեն ինչ բնականոն հունով կգնա առաջ», – ընդգծեց ՀՀԿ խմբակցության ղեկավարը:
Ըստ Բաղդասարյանի՝ Սահմանադրական դատարանի որոշումից երևում է, որ հակասությունը կապված է ՏԻՄ օրենքի և Սահմանադրության հետ:
«Մինչև մարտի 31-ը այն պետք է համապատասխանեցվի Սահմանադրությանը։ Եզրահանգումներ անելու համար դեռ շուտ է: Ես որևէ հիմք չեմ տեսնում, որպեսզի նոր ընտրություններ լինեն», – հավելեց Վահրամ Բաղդասարյանը:
Ինչ վերաբերում է Հեղինե Բիշարյանի՝ ՏԻՄ ընտրություններից հետո արված հայտարարությանը, որ Մամիկոն Ասլանյանի օգտին քվեարկածները անբարոյական են, ինչպե՞ս է ՀՀԿ-ն աշխատելու անբարոյականների հետ, Բաղդասարյանն ընդգծեց, որ հուշագիրը դեռ չի նշանակում, որ ՀՎԿ-ն է խախտել է պայմանավորվածությունները։
Մանրամասները՝ տեսանյութում:
