08.11.2024 | 23:14
Վթար Աշտարակի խճուղում․ կա տուժած
Հունաստանը Թուրքիայի հետ սահմանի ամբողջ երկայնքով պատնեշ կկառուցի
Քաղաքականություն
31.05.2020 | 19:17
Հունաստանը կշարունակի Թուրքիայի հետ սահմանին՝ Էվրոս գետի երկայնքով պատնեշի կառուցումը։ DW-ի ռուսական ծառայության փոխանցմամբ՝ այս մասին Realnews պարբերականին տված հարցազրույցում ասել է Հունաստանի ԱԳ նախարար Նիկոս Դենդիասը։
Նրա խոսքով՝ դա Հունաստանի ինքնիշխանությունը պաշտպանելու ևս մեկ միջոց է։
Ներկայում Հունաստանը պատնեշներ է կառուցում Թուրքիայի հետ սահմանի տարբեր հատվածներում՝ շուրջ 26 կմ երկարությամբ։ Սակայն Աթենքը ծրագրում է պատնեշ կառուցել գետի երկայնքով անցնող 208 կիլոմետրանոց ամբողջ սահմանին։
Նշենք, որ 2016 թվականի մարտին Անկարայի և Բրյուսելի միջև կնքված համաձայնությամբ՝ Թուրքիան պետք է արգելափակի ԵՄ երկրներ անօրինական միգրանտների հոսքը՝ դրա դիմաց ֆինանսական օժանդակություն ստանալով։ Այս տարվա փետրվարի վերջին, սակայն, Թուրքիայի նախագահ Ռեջեփ Թայիփ Էրդողանը ԵՄ-ն մեղադրեց համաձայնությունը չկատարելու համար։
«Թուրքիան չի կարող կերակրել բոլոր միգրանտներին, այդ պատճառով Հունաստանի հետ սահմանը բացվել է»,- հայտարարել էր Էրդողանը։
Աթենքն իր հերթին հայտարարեց անօրինական միգրանտների զանգվածային հոսքի մասին և փակեց Էվրոս գետով անցնող սահմանային անցակետը։
