11.02.2026 | 18:19
ԵԽ պատգամավորներն Ադրբեջանի իշխանություններին կոչ են անում ազատ արձակել բոլոր հայ ձերբակալվածներին
Կամո Աղաջանյանը՝ Արցախի ԱԱԾ տնօրեն
Քաղաքականություն
29.05.2020 | 11:46
Կամո Աղաջանյանը նշանակվել է Արցախի Հանրապետության ազգային անվտանգության ծառայության տնօրեն. այս մասին Ֆեյսբուքի ուղիղ եթերում հայտնեց Արցախի Հանրապետության նորընտիր նախագահ Արայիկ Հարությունյանը։
«Կամո Աղաջանյանը պատերազմի մեր երիտասարդ լեգենդար հրամանատարներից է եղել, երեք «Մարտական խաչ»-ի ասպետ, երկուսը՝ Արցախի, մեկը՝ Հայաստանի։ Նա զբաղեցրել է գումարտակի, գնդի, դիվիզիայի, կորպուսի հրամանատարների և Պաշտպանության բանակի հրամանատարի տեղակալի պաշտոնները, նաև Արցախի ոստիկանության պետի տեղակալի պաշտոնը: Նոր, որակական փոփոխություններ են մեզ պետք լինելու, և Հայաստանի իշխանությունների հետ մենք պայմանավորվել ենք, որ ծառայությունը բավականին լուրջ համագործակցության որակ է հաղորդելու»,- ասաց Հարությունյանը։
