01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
«Սասնա ծռերի» դեմ գլխավոր ցուցմունք տվողը հրաժարվեց ցուցմունքից. «Դա ես չեմ գրել». ՏԵՍԱՆՅՈՒԹ
Հասարակություն
27.05.2020 | 12:17
«Սասնա ծռեր» խմբի անդամների դեմ գլխավոր ցուցմունք տված և գնդից դուրս գալուց հետո ազատ արձակված «Սպիտակցին»՝ Էդգար Սողոմոնյանը, այսօր դատարանում հայտարարեց, որ ցուցմունքի հեղինակը ինքը չի եղել: «Ես ունեցել եմ տեսողական խնդիր, ոչ մեկին չեմ ճանաչել, ես Արմեն Բիլյանին կրակելուց չեմ տեսել, ցուցմունքներում նշվել է այնպես, ինչպես քննչական մարմիններում են ցանկացել, ես ոչ ծառայել եմ, ոչ զենքերից եմ բան հասկանում, որ կարողանամ դա բացատրել, դա եղել է քաղաքական ինչ-որ բան»,- դատարանում ասաց նա։
Հիշեցնենք, որ նա իր նախաձեռնությամբ է ցանկացել դատարանում կրկին հարցաքննվել։
Նշենք նաև, որ 2016-ին ՊՊԾ գնդի գրավման գործով կալանքի տակ են դեռևս երկու անձ՝ Սմբատ Բարսեղյանը և Արմեն Բիլյանը, որոնց էլ վերագրվում են ոստիկանների սպանությունները։ Նրանք մեղադրանքը չեն ընդունում։
Լիլիթ Շաբոյան
