19.09.2026 | 16:22
Երևանում կանցկացվի բժշկական զբոսաշրջության գլոբալ համաժողով
«Ես չեմ մասնակցի քվեարկությանը». Իմքայլականի սուր ելույթը. ՏԵՍԱՆՅՈՒԹ
Քաղաքականություն
26.05.2020 | 16:22
Հազարավոր երեխաներ այսօր սպասում են մանկապարտեզի հերթում և վիրավորական է դա որակել որպես տեխնիկական մանրուք: Այս մասին, այսօր՝ մայիսի 26-ին Երևանի ավագանու նիստին իր ելույթում նշեց «Իմ քայլը» խմբակցության անդամ Աննա Ջավախյանը՝ ԵԿՄ-ին անհատույց տարածքներ հատկացնելու վերաբերյալ հարցի քննարկման ժամանակ:
Նշենք, որ խոսքը 8 տարածքների մասին է, որոնցից 4-ը մանկապարտեզների տարածքում են: Ավագանու նիստոին հնչեցին բազմաթիվ պաթոսային ելույթներ, որ չի կարելի անգամ հարցը քննարկել, պետք է պարզապես այդ տարածքները տալ ԵԿՄ-ին:
«Ես թվերով կխոսեմ, այսօր Երեւան քաղաքում մանկապարտեզ հաճախում է 30649 երեխա: Երկու տարեկանը լրացած 9317 երեխա սպասում է հերթի մեջ: Մենք բոլորս քաջ գիտակցում ենք, որ ներկայիս առկա տարածքներով այս հերթի հարցը մենք երբևէ չենք լուծելու, իսկ այս երեխաները մեծանում են: Նրանք անշունչ առարկաներ չեն, որ պատի տակ կանգնեն սպասեն, թե երբ է մանկապարտեզը տեղ ունենալու, որ իրենք ստանան նախադպրոցական կրթությունը: Այսօր մենք մեր հույսը կապում ենք նրա հետ, որ ծնողը գումար կունենա և երեխային կտանի մասնավոր մանկապարտեզ: Իսկ այն ծնողը, որ գումար չունի, որևէ մեկը կմտածի՞ այդ ծնողի մասին: Եվ ինձ համար շատ վիրավորական է այս երեխաներին որպես տեխնիկական մանրուք որակելը»,- ասաց նա:
Մանրամասները՝ տեսանյութւոմ:
Նարեկ Կիրակոսյան
