Արմեն Դանիելյանը արել է մի բան, որը Սոմալիում անգամ չէին անի․ Վարդևանյան. ՏԵՍԱՆՅՈՒԹ

Ինչպես արդեն տեղեկացրել ենք Ռոբերտ Քոչարյանի և մյուսների գործով դատական նիստն այսօր հետաձգվեց։ Նիստի ավարտին փաստաբան Արամ Վարդևանյանը լրագրողների հետ ճեպազրույցում խոսեց նիստերի հետաձգման, կոնորավիրուսի վարակման վտանգի և դատավոր Արմեն Դանիելյանի վարույթից իրենց բողոքները հետ վերցնելու մասին:

«Եթե ՀՀ-ում կա մեկը, որ կարող է սա դիտարկել պատահականություն, ես իսկապես կցանկանամ խոսել այդ մարդու հետ, որ ինքս էլ հասկանամ, թե ոնց կարող է դա լինել պատահականություն։ Պարզ է, չէ՞, որ մի դեպքում մենք խոսում ենք երկու ԱՀ նախագահների մասին, այս դեպքում՝ չորս վարչապետների և Աննա Դանիբեկյանի համար այդ չորս անձանց ներկայացրած միջնորդությունը դատական ակտում նույնիսկ չի վերլուծվել։ Դուք կարող եք կարդալ դատական ակտը, որը թվացյալ ծավալուն է, բայց միայն մեկ էջն է, որ վերաբերում է վերլուծության։ Սա է մակարդակն արդարադատության»,- ասաց Վարդևանյանը, ապա հավելեց. «Այդ ինչպե՞ս է ստացվում, որ, երբ կարծես բոլորի համար պարզ է, որ այդ միջնորդությունը պետք է բավարարվի, ոչ մի ուրիշ դատավորի չի մակագրվում, երբ Աննա Դանիբեկյանը երկու ամիս չի ներկայանում։ Ամեն դեպքում սպասում են մինչև Աննա Դանիբեկյանը գա, իսկ վերաքննիչ ատյանում՝ Արմեն Դանիելյան։ Արմեն Դանիելյանն արդարադատություն և դատարան Ռոբերտ Քոչարյանի գործով չի կարող լինել»։

Մանրամասները՝ տեսանյութում։

Լիլիթ Շաբոյան