11.02.2026 | 18:45
«Վաղը ելույթներ կունենանք»․ ընդդիմադիր պատգամավորը՝ այսօր Փաշինյանի հետ հարցուպատասխանին չմասնակցելու մասին
Փոխնախարար Թամրազյանը սպորտը համակարգում է կես տարուց ավելի, և ոչ մի անգամ ասուլիս չի տվել. Ջուլֆալակյան. ՏԵՍԱՆՅՈՒԹ
Քաղաքականություն
26.05.2020 | 16:02
Իշխող ուժի պատգամավոր Արսեն Ջուլֆալակյանն այսօր որոշ մանրամասներ հայտնեց երեկ ԱԺ ԿԳՄՍԵՍ հանձնաժողովում ԿԳՄՍ փոխնախարար Գրիշա Թամրազյանի և ԲՈԿ նախագահի պաշտոնից ազատման դիմում ներկայացրած Սմբատ Գոգյանի մասնակցությամբ քննարկման վերաբերյալ:
Ջուլֆալակյանն ասաց, որ փոխնախարարը քննարկման ժամանակ խոսել է իր բաց, հաշվետվողական աշխատանքի մասին, ինչը պատգամավորի կողմից միանգամից հերքվել է: «Թամրազյանը սպորտը համակարգում է կես տարուց ավելի, և ոչ մի անգամ ասուլիս չի տվել»,- շեշտեց Ջուլֆալակյանը:
Այս հանգամանքը պատգամավորն անընդունելի է համարում և կարծում է, որ սա հաշվետվողականության և թափանցիկ աշխատանքի մասին չի վկայում:
Ինչ վերաբերում է մամուլում նշված այն հանգամանքին, թե Գոգյանի ու Թամրազյանի միջև «ռազբորկա» է տեղի ունեցել, պատգամավորն ասաց, թե այդ թեմայով թող տվյալ պաշտոնյաներն արտահայտվեն:
Մանրամասները՝ տեսանյութում:
Մերի Մարտիրոսյան
