17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Առաջ ԵԿՄ-ի նախագահը եսիմ ով էր, հիմա ձեր թիմից է, ինչո՞ւ եք կռիվ տալիս. Անի Խաչատրյան. ՏԵՍԱՆՅՈՒԹ
Քաղաքականություն
26.05.2020 | 11:47
Տարիներ շարունակ ես ու իմ կուսակցությունը՝ «Հանրապետությունը», ԵԿՄ-ն պաշտպանել ենք բորենիներից ու մնացած բաներից: Այս մասին Երևանի ավագանու նիստին հայտարարեց «Լույս» խմբակցության անդամ Անի Խաչատրյանը՝ անդրադառնալով ԵԿՄ-ին անհատույց տարածքներ տրամադրելու հարցը ավագանու նիստից հանելու առաջարկին, որը ներկայացրել էր «Իմ քայլը» խմբակցության անդամ Մեսրոպ Պապիկյանը:
«Բարեբախտաբար ՔՊ-ն այսօր իշխանություն է և Սասուն Միքայելյանն էլ այդ կուսակցության վերջին անդամը չէ: Այն, ինչ այս պահին ասվեց, դա դուք պետք է փակ դռների հետևում ԵԿՄ նախագահ, կամանդիր Սասուն Միքայելյանի հետ քննարկած լինեիք և ոչ թե գայիք այստեղ: Ինձ համար պատիվ է ԵԿՄ-ի այս նախագծին քվեարկելը: Առաջ կռիվ էիք տալիս ԵԿՄ-ի համար, որովհետև նախագահը եսիմ ով էր, հիմա ձեր քաղաքական թիմից է, չեմ հասկանում, ինչի՞ համար եք կռիվ տալիս: Այդ գրասենյակները ապրիլյանի ժամանակ փոքր զինկոմիսարիատների դեր տարան և ավելի օպերատիվ հավաքվեցին ԵԿՄ-ի տղաները ու գնացին սահման»,- հայտարարեց նա:
Քաղաքապետ Հայկ Մարությանը ևս դեմ արտահայտվեց այդ հարցն օրակարգից հանելուն: Նա դրեց առաջարկությունը քվեարկության. Հարցը օրակարգից հանելուն կողմ քվեարկեց ավագանու 17 անդամ, 28-ը դեմ էր, առաջարկը չընդունվեց:
Մանրամասները՝ տեսանյութում:
