23.02.2026 | 15:31
Հաշտության ուղին բարդ է՝ հաշվի առնելով, որ հայ 19 ձերբակալվածները գտնվում են Բաքվում. Միրզոյան․ ՏԵՍԱՆՅՈՒԹ
Ոստիկանության Կապանի բաժանմունքում բռնարարքի վերաբերյալ ՀՔԾ-ում դեռ քրեական գործ չի հարուցվել
Հասարակություն
25.05.2020 | 18:13
Հատուկ քննչական ծառայությունում դեռևս քրեական գործ չի հարուցվել Կապանում երեկ տեղի ունեցած իրադարձությունների առնչությամբ։ Factor.am-ը ՀՔԾ-ից տեղեկացավ, որ Դատախազությունից նյութեր են ստացվել, ուսումնասիրվում են նաև առկա հրապարակումները։
Հիշեցնենք, Ոստիկանությունը երեկ բերման էր ենթարկել Քաջարանի բնակիչների, որոնք, ըստ Քննչական կոմիտեի, առնչություն ունեն անձի առևանգման ու բռնարարքի հետ։ Բերման ենթարկվածների հարազատները հայտարարել էին, թե ոստիկանները բռնություն են կիրառել իրենց հարազատների նկատմամբ։ Մեկ անձի մասով հրապարակվել էին լուսանկարներ։
Բռնարարքի վերաբերյալ հայտարարություն Ոստիկանության Կապանի շենքի դուրս գալուց հետո երեկ արել էր նաև Քաջարանի համայնքապետ Մանվել Փարամազյանը։ Նրա անունը, ըստ ՔԿ-ի հաղորդագրության, շոշափվում է ապրիլի վերջին տեղի ունեցած միջադեպերում։
