30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Վարչապետը կառավարության նիստին առաջին անգամ դիմակով է, նա մյուսներին էլ կոչ արեց դիմակ կրել. ՏԵՍԱՆՅՈՒԹ
Հասարակություն
21.05.2020 | 10:23
Կորոնավիրուսի համավարակի հետ կապված մեր գործերը լավ չեն։ Երեկ արձանագրվել է 335 նոր դեպք, մահերի թիվը 70 է։ Այս մասին այսօր Կառավարության նիստին հայտարարեց վարչապետ Նիկոլ Փաշինյանը, որն առաջին անգամ նիստին պաշտպանիչ բժշկական դիմակով էր ներկայացել։
Իր ելույթի ընթացքում Փաշինյանը նաև մյուսներին կոչ արեց դիմակ կրել։
«Այս փուլում մեր մարտավարությունը հետևյալն է․ ապահովել կարանտինային պայմաններ՝ առանց կարանտինի։ Ընդ որում, գիտեք, որ պարետատունը փակ տարածքներում դիմակների օգտագործման պարտադիր պայման է ապահովել, և մենք, այս համատեքստում, պետք է ավելի ուշադիր լինենք, որովհետև քաղաքացիների կողմից շատ ճիշտ դիտարկում էր արված նաև սոցիալական ցանցերում, որ եթե փակ տարածքներում դիմակ կրելը պարտադիր է, ինչո՞ւ կառավարության քննարկումների ժամանակ այդ պայմանը չի պահվում։ Կարծում եմ՝ շատ արդարացի և ճիշտ դիտարկում է։ Մենք պետք է ապահովենք, որ նաև պետական կառավարման մարմիններում դիմակներ կրեն։ Մարդիկ կարող են առանց դիմակ լինել այն ժամանակ, երբ իրենց աշխատասենյակներում միայնակ են։ Մնացած բոլոր դեպքերում պետք է պարտադիր կրեն, այդ թվում՝ միջանցքներում։ Նաև ճաշարաններում պետք է ապահովել պայմաններ, որպեսզի պատշաճ սոցիալական հեռավորություն ապահովվի»,- ասաց վարչապետը։
Մանրամասները՝ տեսանյութում:
