17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Ռոբերտ Քոչարյանը պալատում է, վերականգնողական փուլում է գտնվում»․ բժիշկ
Հասարակություն
19.05.2020 | 13:40
Ինչպես արդեն տեղեկացրել էինք, Ռոբերտ Քոչարյանի և մյուսների գործով այսօրվա դատական նիստը չկայացավ, քանի որ պաշտոնաթող նախագահը ստացիոնար բուժման մեջ է գտնվում և նիստին չէր ներկայացել։
Factor.am-ի հետ զրուցում «Իզմիրլյան» ԲԿ-ի տնօրեն, բժիշկ Արմեն Չարչյանն ասաց, որ չի կարող հստակ ժամկետ ասել, թե դեռ որքան ժամանակ Ռոբերտ Քոչարյանը կմնա հիվանդանոցում:
«Վերականգնողական բուժումը շարունակվում է, նա գտնվում է պալատում, թե որքան ժամանակ կմնա դեռևս չեմ կարող ասել», – նշեց նա։
Հարցին, թե ինչպես է Ռոբերտ Քոչարյանի ինքնազգացողությունը, Չարչյանը պատասխանեց՝ բավարար։
Հիշեցնենք, որ Մարտի 1-ի գործով Սահմանադրական կարգի տապալման համար մեղադրվող պաշտոնաթող նախագահը մայիս 12-ին վիրահատվել էր։ Արդյոք նրա մոտ առկա՞ են լուրջ առողջական խնդիրներ, որպես անձնական տվյալ, չի հրապարակվում։
Լիլիթ Շաբոյան
