30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Արցախի Մարտունիում Գարեգին Նժդեհի կիսանդրին կտեղադրվի
Մշակույթ
18.05.2020 | 18:04
«Ֆերզիտ» շինարարական ընկերության տնօրեն Արթուր Խաչատրյանի մտահղացմամբ և ֆինանսավորմամբ ԱՀ Մարտունի քաղաքում կտեղադրվի Գարեգին Նժդեհի կիսանդրին:
Այս մասին «Արցախպրես»-ի թղթակցի հետ զրույցում ասել է Մարտունու քաղաքապետի տեղակալ Էդիկ Ավանեսյանը:
Նրա խոսքով՝ կիսանդրին կտեղադրվի Գարեգին Նժդեհ փողոցում, որտեղ նախկինում կար Հոկտեմբերյան հեղափոխության 70-ամյակին նվիրված հուշարձան, որը, սակայն, տարիների ընթացքում քանդվել է: Կիսանդրու շինաշխատանքները սկսվել են տարվա սկզբից և ներկայումս ավարտման փուլում են: Հեղինակը քանդակագործ Արմեն Պետրոսյանն է:
Է. Ավանեսյանը տեղեկացրել է նաև, որ բացման հանդիսավոր արարողությունը տեղի կունենա սեպտեմբերին:
