19.09.2026 | 17:03
Ռուբեն Ռուբինյանը դասային աստիճան է շնորհել
Ավելի քան 120 երկիր կոչ է անում անկախ հետաքննություն սկսել՝ կորոնավիրուսի ծագումը պարզելու նպատակով
Քաղաքականություն
18.05.2020 | 16:48
Եվրամիությունը և Ավստրալիան կոչ են անում մանրակրկիտ ուսումնասիրել կորոնավիրուսի ծագման և զանգվածային տարածման աղբյուրը։ Այս մասին հայտնում է Deutsche Welle-ն։
Արդեն 122 երկիր, որոնց թվում ՝ Ռուսաստանը, Հարավային Աֆրիկան, Մեծ Բրիտանիան, Ինդոնեզիան, Ճապոնիան, Հարավային Կորեան և Թուրքիան, աջակցել են առաջարկին։
Ավստրալիայի արտաքին գործերի նախարար Մերիս Փեյնը հայտարարել է, որ այս նախաձեռնության կողմնակիցները ցանկանում են «օգնել աշխարհին՝ քաղել դասեր, որոնք անհրաժեշտ են առողջությունը պաշտպանելու համար»: Եվրամիության խորհրդի արտաքին հարաբերությունների մամուլի քարտուղար Վիրջինիա Բատու-Հենրիկսոնն էլ նշել է, որ այս հարցում ԵՄ-ն մտադիր է փոխհամաձայնության հասնել։
«Մեզ պետք է բոլոր հիմնական խաղացողների աջակցությունը, իսկ Չինաստանը նրանցից մեկն է»,- ասել է նա։
Deutsche Welle-ի փոխանցմամբ՝ Չինաստանը և ԱՄՆ-ն չեն ողջունել հետաքննության գաղափարը։ Ավելին, նախաձեռնությունը Չինաստանի կողմից սուր քննադատության է արժանացել։ Վերջինը մեղադրել է Ավստրալիային՝ իր նկատմամբ քաղաքական հարձակման շրջանակում նման գաղափար ներկայացնելու համար։
Միևնույն ժամանակ, այն առաջարկը, որն այժմ քննարկվում է, չի վերաբերում ոչ Չինաստանին, ոչ էլ Ուուհան քաղաքին, որտեղից կորոնավիրուսը տարածվեց աշխարհով մեկ:
Ամերիկացի դիվանագետներն, իրենց հերթին, պնդում են, որ ավելի կոշտ ձևակերպումներ լինեն, որոնց արդյունքում վիրուսի ծագման հետաքննությունը կմեկնարկի Չինաստանից:
Աղբյուրը հիշեցնում է, որ ԱՄՆ նախագահ Դոնալդ Թրամփը և պետքարտուղար Մայք Պոմպեոն բազմիցս մեղադրել են Չինաստանին՝ կորոնավիրուսի մասին տեղեկություններ թաքցնելու մեջ, ինչը, նրանց կարծիքով, համավարակի պատճառներից մեկն է դարձել։
Նելլի Մելքոնյան
