18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Ցնցված եմ մաֆիոզ մտածողության խորությունից․ Նիկոլ Փաշինյան
Քաղաքականություն
16.05.2020 | 13:33
Այնպես չէ, որ ես Հայաստանը վատ եմ ճանաչել։ Կարծում եմ՝ Հայաստանը և Հայաստանի մարդկանց լավ եմ ճանաչել և ճանաչում։ Բայց ես ցնցված եմ այն փաստից, թե մեր իրականության մեջ մաֆիոզ մտածողությունն ինչքան խորն է, որ բաժակի սև և սպիտակ լինելու հարցի նկատմամբ մեր դիրքորոշումը կարող է մեծապես կախված լինել, թե դա մեր ընկերոջը, մեր ընտանիքին, կլանին, խմբավորմանն ինչքանով է ձեռնտու։ Այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը։
«Այսօր ասում են՝ բա ինչո՞ւ մինչև հիմա ազնիվ և պրոֆեսիոնալ կադրերը հազարներով չեն համալրել պետական կառավարման համակարգը։ Կարո՞ղ եք այդ ազնիվ և պրոֆեսիոնալ կադրերի ցուցակը տալ։ Այո՛, այսօր կան այդպիսի կադրեր։ Բայց կան բազմաթիվ կադրեր, որոնք հոյակապ, ազնիվ մարդիկ են, բյուրեղյա, բայց զրո պրոֆեսիոնալությամբ։ Եվ կան պրոֆեսիոնալ մարդիկ, որոնք ազնիվ չեն։ Իմ և իմ քաղաքական թիմի ուզածն այն է, որ մեր երկրում տեղի ունենան խորքային փոփոխություններ»,- ասաց Փաշինյանը։
Մանրամասները՝ տեսանյութում։
