Փաշինյանը բացատրեց՝ ինչու է կապերը խզել ՀԱԿ-ի ու ԼՀԿ-ի հետ. ՏԵՍԱՆՅՈՒԹ

Ես ունեցել եմ Հայաստանում քաղաքական փոփոխություններ իրականացնելու սեփական պատկերացումները և դրանք, որոշակի հատվածով, համընկել են նաև մի շարք քաղաքական ուժերի ունեցած պատկերացումների հետ։ Եվ մի պահից այդ պատկերացումները դադարել են գոյություն ունենալ։ Նախկինում ՀԱԿ-ի, ԼՀԿ-ի հետ՝ «Ելք» դաշինքի շրջանակում, քաղաքական հարաբերությունների խզումը եղել է քաղաքական զարգացումների պատկերացումների շուրջ ունեցած տարաձայնությունների առիթ։ Այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը՝ անդրադառնալով նախկինում ունեցած քաղաքական հարաբերություններում ներկայում առաջացած խնդիրներին։

«ՀԱԿ-ի պարագայում այդ առիթը եղել է հայտնի քառյակի տրամաբանությունը, դրանից առաջ էլ բուրժուադեմոկրատական հեղափոխության տեսության հետ կապված իմ անհամաձայնությունը։ Իսկ ԼՀԿ-ի հետ տարաձայնությունները գագաթնակետին են հասել այն ժամանակ, երբ «Ելք» խմբակցությունում քննարկում էինք, որ Հայաստանում պետք է Սերժ Սարգսյանի վերարտադրությունը թույլ չտալուն ուղղված շարժում սկսել, և այդտեղ արձանագրվեցին շատ խորը գաղափարական, հայեցակարգային տարաձայնություններ։ Ընդհանուր առմամբ՝ կյանքը ցույց տվեց, որ առնվազն այս մասով, Հայաստանում քաղաքական փոփոխություններ իրականցնելու մեթոդի մասով, իմ պատկերացումներն ավելի ճիշտ դուրս եկան, քան իմ հարգարժան գործընկերների պատկերացումները»,- ասաց Փաշինյանը։

Մանրամասները՝ տեսանյութում։