27.08.2026 | 19:44
COP17-ի ընթացքում Երևանի քոլեջները երկու շաբաթ առկա դասեր չեն անցկացնի
Հրաչյա Հակոբյանը դատի է տվել Արթուր Դանիելյանին, Նարեկ Սամսոնյանին և այլոց
Հասարակություն
14.05.2020 | 12:12
«Իմ քայլը» խմբակցության պատգամավոր Հրաչյա Հակոբյանը դատական հայց է ներկայացրել ընդդեմ Արթուր Դանիելյանի, Նարեկ Սամսոնյանի, Գագիկ Համբարյանի և Մարինա Խաչատրյանի:
Այս մասին իր ֆեյսբուքյան էջում գրել է նա. «Սիրելի՜ հայրենակիցներ, ինչպես ենթադրում եմ, շատերդ գիտեք, որ վերջերս սոցիալական ցանցերում որոշ օգտատերերի կողմից ստահոդ լուրեր են տարածվում, որ ես մաքսանենգ ճանապարհով Ռուսաստանի Դաշնություն ծխախոտ եմ տեղափոխել։ Մեկ անգամ ևս ցանկանում եմ ընդգծել և պաշտոնապես հայտարարել, որ նշված լուրերը մտացածին են և իրականության հետ որեւէ աղերս չունեն։ Ուստի ցանկանում եմ տեղեկացնել, որ իմ պատվին եւ արժանապատվությանը պատճառված վնասի փոխհատուցման նպատակով՝ հայցադիմում եմ ներկայացրել Երեւան քաղաքի առաջին ատյանի ընդհանուր իրավասության դատարան ընդդեմ Արթուր Ռոբերտի Դանիելյանի, Նարեկ Բագրատի Սամսոնյանի, Գագիկ Լևոնի Համբարյանի և Մարինա Կոլյայի Խաչատրյանի՝ պահանջելով պարտավորեցնել վերջիններիս իմ պատիվը եւ արժանապատվությունը արատավորող զրպարտչական ու վիրավորական արտահայտությունների համար հերքում տարածել ու հրապարակային ներողություն խնդրել»:
Ուշագրավ է, որ այս ցանկում չկա Սերժ Սարգսյանի փեսա Միքայել Մինասյանի անունը, չնայած, որ նա ևս այդ թեմայով հայտարարություն էր արել և Հակոբյանն էլ երեկ մեզ հետ զրույցում ասել էր, թե քննարկում է Մինասյանի դեմ հայց ներկայացնելու հարցը:
