18.11.2024 | 11:23
Կարեն Անդրեասյանից հետո ԲԴԽ նախագահի պարտականությունները կկատարի Արմեն Դանիելյանը
Լավրովը քեզ համար ավելի մեծ է, քան քո ԱԳ նախարա՞րը, դու ո՞ւմ կողմից ես. Մնացականյանը՝ սփյուռքահայ երիտասարդին. ՏԵՍԱՆՅՈՒԹ
14.05.2020 | 12:26
Երեկ կեսգիշերին մոտ ԱԳ նախարարության շենքի մոտ սփյուռքահայ մի երիտասարդ, ըստ ֆեյսբուքում գրանցման՝ Հակոբ Բերբերյան անուն-ազգանունով, մոտեցել է նախարար Զոհրաբ Մնացականյանին և հետաքրքրվել՝ արցախյան հարցով բանակցություններ կա՞ն, թե՞ ոչ: Նախարարի հետ զրույցը նա ուղիղ հեռարձակել է Ֆեյսբուք սոցցանցով, իսկ այսօր արդեն այն տարածվել է՝ որոշակի աղմուկ առաջացնելով:
Երիտասարդի համառորեն տրվող նույն հարցին՝ «Բանակցություններ գնո՞ւմ են, թե՞ չէ», նախարարն արձագանքում է. «Դուք ուզում եք ինձ հետ մրցակցել հայրենասիրության մե՞ջ: Պատկերացնում եք, որ ես կարող եմ անել ինչ-որ բան, որ վա՞տ է մեր երկրի համար»:
Սրան հետևում է ևս մեկ հարց. «Փուլայի՞ն, թե՞ փաթեթային»:
«Դու կարծում ես՝ Ղարաբաղի ստատուսի հարցում կարող է ինչ-որ զիջո՞ւմ լինել: Կարծում ես՝ մենք կարող ենք ինչ-որ ձևով մեր անվտանգությունը…: Պատասխանը՝ չէ»,- արձագանքում է նախարարը:
Այնուհետև երիտասարդը վկայակոչում է Սերգեյ Լավրովին՝ հունից հանելով Զոհրաբ Մնացականյանին, ինչին հետևում է բորբոքված բանավեճ:
«Սերգեյ Լավրովը քո համար ավելի մեծ է, քան քո ԱԳ նախարա՞րը: Քո արտաքին գործերի նախարարին կասկածի տակ ես դնո՞ւմ: Դու ո՞ւմ կողմից ես»,- երիտասարդին է դիմում Զոհրաբ Մնացականյանը:
Այս միջադեպն արդեն արձագանք է ստացել: Մասնավորապես, ԱԺ պատգամավոր Արման Բաբաջանյանը դատապարտել է միջադեպը՝ այն նախարարի դեմ սադրանք որակելով:
Factor.am-ը փորձեց մեկնաբանություն ստանալ ԱԳ նախարարությունից: Մամուլի ծառայությունից խոստացան պատասխանել մի փոքր ուշ:
