17.02.2026 | 18:51
Ունեմ համոզմունք, որ գործընթացը գնալու է ՀԷՑ-ը պետության գերակա շահ ճանաչելու տարբերակով․ Դավիթ Ղազինյան
ՎԶԵԲ-ը 2020 թվականին Հայաստանի ՀՆԱ-ի անկում է կանխատեսել
Տնտեսություն
13.05.2020 | 16:59
Վերակառուցման և զարգացման եվրոպական բանկը (ՎԶԵԲ) կրճատել է իր՝ 2020 թվականի տնտեսական աճի կանխատեսումները Հայաստանի, Ադրբեջանի և Վրաստանի համար, քանի որ դրանք տուժել են կորոնավիրուսի հետ կապված ճգնաժամի հետևանքով, սակայն կանխատեսել է հաջորդ տարի աճի ցուցանիշների վերականգնում Հարավային Կովկասի երկրներում: Այս մասին գրում է Reuters-ը՝ վկայակոչելով ՎԶԵԲ զեկույցը:
Հայաստանի համար ՎԶԵԲ-ը կանխատեսել է, որ 2020 թվականին տնտեսությունը կնվազի 3.5%-ով՝ գլոբալ անորոշության և պահանջարկի անկման համադրման արդյունքում, կորոնավիրուսային ճգնաժամի և հումքային ապրանքների գների անկայունության պատճառով: 2021 թվականի համար, սակայն, կանխատեսումը 5.5% է:
Ավելի վաղ Հայաստանի համար 2020 թվականի աճի կանխատեսումը 5.0% էր, թեև նշվում էր արտահանման անկման մասին, որտեղ գերակշռող մասնաբաժին ունեն պղինձն ու հանքարդյունաբերական այլ արտադրանք:
Ինչ վերաբերում է հարավկովկասյան մյուս երկրներին. Վրաստանի համար ՎԶԵԲ-ը կանխատեսել է 5.5% ՀՆԱ, Ադրբեջանի համար՝ 3%:
