18.12.2025 | 14:05
Ռուբեն Վարդանյանը մանրամասներ է հայտնել Բաքվում սպասվող իր եզրափակիչ ելույթից
Սասուն Միքայելյանը Ռոբերտ Քոչարյանի հետ ճանապարհ է անցել. Մարուքյան. ՏԵՍԱՆՅՈՒԹ
Քաղաքականություն
13.05.2020 | 12:17
Իշխող ուժը՝ նույն Սասուն Միքայելյանի հետ մեկտեղ, մեզ ասում է՝ նախկինների համատեքստի մեջ եք: Այն դեպքում, որ նրանցից շատերը նախկինների հետ այնքան ճանապարհ ունեն անցած, որ իմ կյանքը չի հերիքի, որ ես այդքան ճանապարհ անցկացնեմ: Այսօր խորհրդարանական ճեպազրույցների ժամանակ ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Ասածս հետևյալն է, որ այդքան շահարկում են՝ նախկիններ, որևէ ապացուցողական բան չկա: Հաջորդ հանգամանքը. ինձ ասվել է՝ գլուխդ կցխեմ, ինձ ասվել է՝ վիզդ կկտրեմ, և դրանք ռեալ սպառնալիքներ են ու մեծ թափ են հավաքել: Ի պատասխան՝ ես ասում եմ, որ դա խորհրդարանական լեքսիկոն չէ»,- նշեց Մարուքյանը:
Հարցին՝ ի՞նչ նկատի ուներ, երբ ասում էր՝ Սասուն Միքայելյանը թող հիմնավորի, թե 2003 թվականին Քոչարյանի ընտրությունների ժամանակ ինչ է արել, Մարուքյանը պատասխանեց. «Իրենք իրար հետ ճանապարհ են անցել, թող իրենք բացատրություն տան: Հրազդան քաղաքում գործող քաղաքապետ է եղել, չէ՞: Այդ ընտրությունները ո՞նց են անցել, ընդդիմությունը ճանաչել է որպես կեղծված: Դե՝ թող ասեն»:
Մանրամասները՝ տեսանյութում:
