18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Կոնվենցիան երեխայի իրավունքների պաշտպանության հարցում կունենա կարևոր նշանակություն․ Թաթոյանը՝ «Լանզարոտեի կոնվենցիայի» մասին. ՏԵՍԱՆՅՈՒԹ
Հասարակություն
11.05.2020 | 14:11
Այսօր Ազգային ժողովում ՄԻՊ 2019 թվականի տարեկան զեկույցի քննարկման ժամանակ «Իմ քայլը» խմբակցության 4 պատգամավորներ հարց ուղղեցին ՄԻՊ Արման Թաթոյանին՝ խնդրելով ներկայացնել իր կարծիքը Երեխաներին սեռական շահագործումից և սեռական բնույթի բռնությունից պաշտպանող ԵԽ կոնվենցիայի վավերացման վերաբերյալ։ Պատգամավորներին, ըստ էության, չէին բավարարել օմբուդսմենի հնչեցրած պատասխանները։
ԱԺ նախագահ Արարատ Միրզոյանը նույնպես հետաքրքրվեց կոնվենցիայի վերաբերյալ Արման Թաթոյանի դիրքորոշմամբ:
«Ես կարծում եմ, որ երեխաների սեռական շահագործման կանխարգելման հետ կապված այդ կոնվենցիան, դրա վավերացումը երեխաների իրավունքների պաշտպանության հարցում կունենա կարևոր նշանակություն։ Ուզում եմ հատուկ նշել, որ ՀՀ Սահմանադրությունը երաշխավորում է կարևոր արժեքներ, և կարծում եմ, որ երեխայի իրավունքների պաշտպանությունը և ընտանիքահեն հասարակության և ընտանիքում ապրելու՝ երեխայի իրավունքի կարևոր արժեքների պաշտպանության համատեքստում պետք է իրականացվի»,- նշեց Թաթոյանը։
Մանրամասները՝ տեսանյութում։
