05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Իրանում երկրաշարժի հետևանքով 1 մարդ է մահացել. հազարավոր մարդիկ փողոցում են գիշերել. ԼՈՒՍԱՆԿԱՐՆԵՐ
Քաղաքականություն
08.05.2020 | 17:07
Իրանում գիշերը տեղի ունեցած երկրաշարժի հետևանքով 1 մարդ է զոհվել, 33 վիրավոր կա: ԻՌՆԱ-ի փոխանցմամբ՝ այս մասին ասել է Հակաճգնաժամային կառավարման կազմակերպության ղեկավար Էսմայիլ Նաջարը:
Նա նշել է, որ մահացածը 60-ամյա տղամարդ է:
«Վերջին տվյալներով՝ Թեհրանում հիվանդանոց տեղափոխվածներից 11-ն ամբուլատոր բուժում է ստացել, 4-ը ստացիոնար բուժում կստանա»,- հավելել է Նաջարը:
Նշենք նաև, որ հազարավոր մարդիկ փողոցում են գիշերել:
Հիշեցնենք, որ Թեհրանի նահանգում այսօր 5.1 մագնիտուդով երկրաշարժ է տեղի ունեցել: Ցնցումները գրանցվել են տեղական ժամանակով 00:48-ին, Իրանի մայրաքաղաքից 58 կմ հեռավորությամբ: Օջախը եղել է 7 կմ խորությամբ:
Լուսանկարները՝ Mehr գործակալության
