18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
«Իմ քայլը» խմբակցությունը ներողություն խնդրեց կատարվածի համար. ՏԵՍԱՆՅՈՒԹ
Քաղաքականություն
08.05.2020 | 14:59
Այսօր Ազգային ժողովում «Իմ քայլը» խմբակցության ղեկավար Լիլիթ Մակունցը խմբակցության անունից ներողություն խնդրեց ՀՀ քաղաքացիներից՝ ԱԺ-ում այսօր տեղի ունեցած միջադեպի համար։
«Ցավում եմ, որ «Իմ քայլը» խմբակցությունը տրվել է սադրանքների և տեղի է ունեցել այն, ինչ տեղի է ունեցել։ Ամեն ինչ սկսվեց ապօրինի գույքի բռնագանձման մասին օրենքի ընդունումից, երբ «Լուսավոր Հայաստան» խմբակցությունը հայտնեց իր դիրքորոշումը՝ կողմ չքվեարկելով այդ նախագծին։ Դրանից հետո շեշտակի փոխվեց «Լուսավոր Հայաստանի», հատկապես՝ ղեկավարի վարքագիծն ԱԺ դահլիճում: Պարոն Մարուքյանը երբևէ իրեն թույլ չի տվել այնպիսի բառամթերք, որը թույլ է տվել 7-րդ գումարման Ազգային ժողովում։ Ամեն ինչ սկսվեց այն պահից, երբ ԼՀ խմբակցության ղեկավարը ԱԺ նիստերի դահլիճում ուղիղ եթերում հնչեցրեց սեռական բնույթի հայհոյանք ԱԺ փոխնախագահի հասցեին, և դրանից հետո ներողություն չհնչեց ո՛չ փոխնախագահից, ո՛չ ՀՀ քաղաքացիներից: Շաբաթներ շարունակ «Լուսավոր Հայաստան» խմբակցությունը փորձում է սադրել, ներքաշել «Իմ քայլին» այնպիսի գործողությունների մեջ, որոնք այս տեսախցիկների առջև կներկայացնեն «Իմ քայլը» խմբակցությանը հենց այն տեսանկյունից, ինչպիսին ուզում էր, սադրում էր պարոն Մարուքյանը», – ասաց Լիլիթ Մակունցը:
Մանրամասները՝ տեսանյութում:
