22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Կարո՞ղ եք վստահ ասել, որ համայնքապետերի վրա որևէ ճնշում չի գործադրվում. Սամսոնյանը՝ Պապիկյանին. ՏԵՍԱՆՅՈՒԹ
Քաղաքականություն
07.05.2020 | 11:12
Մարզպետի ինստիտուտը տարիներ շարունակ ծառայել է որպես քաղաքական զսպօղակ համայնքների համար, խոչընդոտել է տեղական ժողովրդավարության զարգացմանը։ Այսօր այս մասին Ազգային ժողովում ասաց «Լուսավոր Հայաստան» խմբակցության պատգամավոր Անի Սամսոնյանը՝ դիմելով տարածքային կառավարման և ենթակառուցվածքների նախարար Սուրեն Պապիկյանին:
«Կարո՞ղ եք վստահ ասել, որ որևէ ճնշում չի գործադրվում համայնքապետերի նկատմամբ: Ի՞նչ քայլեր եք ձեռնարկել, որպեսզի համայնքները դառնան քաղաքականապես անկախ»,- հարց ուղղեց պատգամավորը։
Ի պատասխան՝ նախարարը նշեց, որ այդ քաղաքականությունը շարունակվել չի կարող և հատուկ քայլեր այդ ուղղությամբ պետք չեն։
«Ընդհակառակը՝ պետք է կատարել քայլեր, եթե նման փորձեր կամ երևույթներ ի հայտ գան։ Մնացածն ամրագրված է ՀՀ օրենքով և իմ՝ որպես նախարարի դերակատարման շրջանակում դրան հետևելն է ու նաև օգնելը, որպեսզի բոլոր համայնքներում ամրագրվի ժողովրդավարությունը և օրենքի գերակայությունը»,- նշեց Պապիկյանը։
Մանրամասները՝ տեսանյութում։
