16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ճգնաժամը նոր-նոր սկսվում է․ առնվազն մինչև մյուս տարվա մայիս ունենալու ենք կորոնավիրուսային ճգնաժամ․ Փաշինյան. ՏԵՍԱՆՅՈՒԹ
Տնտեսություն
06.05.2020 | 13:01
Պատիվ ունեմ արձանագրել, որ Հայաստանի կառավարությունը կարողացել է, այդ թվում՝ Ազգային ժողովի օգնությամբ, կորոնավիրուսային սոցիալ-տնտեսական ճգնաժամը պահել կառավարելիության շրջանակում: Այսօր ԱԺ-ում այս մասին հայտարարեց ՀՀ վարչապետ Նիկոլ Փաշինյանը:
«Սա չի նշանակում, որ ՀՀ բոլոր քաղաքացիները շարունակում են ապրել նույն կերպ, ինչպես ապրել են հունվարին կամ փետրվարին: Սա նշանակում է, որ մենք, բարեբախտաբար և ի հեճուկս բազմաթիվ ահազանգերի, չունենք սոցիալական կոլապս և ճգնաժամ»,- ասաց վարչապետը:
Նրա խոսքով, սակայն, շատ ավելի կարևոր է ապագայի մասին խոսակցությունը:
«Որովհետև թյուր է կարծիքը, թե ճգնաժամն անցել է կամ անցնում է: Ճգնաժամը նոր-նոր սկսվում է, և մենք արձանագրում ենք, որ առաջիկա մեկ տարվա ընթացքում՝ մինչև մյուս տարվա մայիս, ունենալու ենք կորոնավիրուսային ճգնաժամ»,- հայտարարեց Փաշինյանը:
Մանրամասները՝ տեսանյութում:
