19.05.2024 | 23:02
Գերմանիան և Ֆրանսիան «անհանգստացած են» Վրաստանում ստեղծված իրավիճակով
Մեր որոշ դիվանագետներ սովոր են վիզը ծռած աղերսել ու փշրանք ստանալ․ Փաշինյան. ՏԵՍԱՆՅՈՒԹ
Քաղաքականություն
06.05.2020 | 12:39
Հայաստանը ոչ թե փոխում է իր արտաքին քաղաքականությունը, այլ ստեղծում։ Այս մասին այսօր ԱԺ նիստում հայտարարեց ՀՀ վարչապետ Նիկոլ Փաշինյանը՝ պատասխանելով «Բարգավաճ Հայաստան» խմբակցության պատգամավոր Նաիրա Զոհրաբյանի հարցին։
Վարչապետը նշեց, որ ՀՀ որոշ դիվանագետներ դեռ սովոր են գնալ, վիզը ծռած աղերսել և փշրանքներ ստանալով՝ գոհանալ, ինչն իր համար անընդունելի է։
Անդրադառնալով պատգամավորի՝ ՌԴ արտգործնախարար Սերգեյ Լավրովի հայտարարության վերաբերյալ հարցին՝ Փաշինյանը նշեց. «Հայաստանի ոչ մի ղեկավար այդքան մանրամասն Ղարաբաղի հարցի վերաբերյալ դիրքորոշում չի հայտնել, ինչքան ես եմ հայտնել, ոչ մի ղեկավար այդքան հաճախ Ղարաբաղի հարցի վերաբերյալ դիրքորոշում չի հայտնել, ինչքան ես, Հայաստանի ոչ մի ղեկավար Ղարաբաղի հարցի վերաբերյալ այնքան թափանցիկ չի եղել, ինչքան ես եմ եղել։ Իմ դիրքրոշումները և ՀՀ կառավարության դիրքորոշումները գոյություն ունեն այնքանով, ինչքանով դրանք մեր դիրքրորոշումներն են։ Այսինքն՝ մեր դիրքրոոշումը գոյություն ունի՝ անկախ նրանից, թե աշխարհում էլ ինչ դիրքորոշումներ գոյություն ունեն»։
Մանրամասները՝ տեսանյութում։
