16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
2019-ին հաջողվել է գրանցել 2008-ից ի վեր ամենաբարձր տնտեսական աճի մակարդակը՝ 7.6%. Փաշինյան. ՏԵՍԱՆՅՈՒԹ
Տնտեսություն
06.05.2020 | 12:08
2019 թվականին Հայաստանը տարածաշրջանում գրանցել է ամենաբարձր տնտեսական աճը: Այս մասին այսօր Ազգային ժողովում ասաց ՀՀ վարչապետ Նիկոլ Փաշինյանը՝ ներկայացնելով Կառավարության ծրագրի 2019 թվականի կատարման ընթացքի և արդյունքների մասին զեկույցը:
«Շատ կարևոր եմ համարում արձանագրել, որ 2019 թվականին հաջողվել է գրանցել 2008 թվականից ի վեր ամենաբարձր տնտեսական աճի մակարդակը՝ 7,6 տոկոս, որը ամենաբարձրն է ԵՏՄ երկրների, հարևան երկրների և Եվրոպական տարածաշրջանի երկրների համար»,- նշեց վարչապետը։
Փաշինյանը նաև համեմատեց հեղափոխությունից առաջ իր տված խոստումն ու ներկայիս իրավիճակը։
«Կառավարությանը հեղափոխությունից հետո հաջողվել է պետական բյուջեի եկամուտներն ավելացնել 43.6 տոկոսով: Ուզում եմ ընդգծել մինչև հեղափոխական շրջանում իմ արած այն հայտարարությունը, որ պետական բյուջեի եկամուտները 1-2 տարվա ընթացքում պետք է աճեն 30-35 տոկոսով»,- ասաց նա:
Մանրամասները՝ տեսանյութում։
