26.09.2026 | 19:57
Միրզոյանը Ֆիլիպինների իր պաշտոնակցի հետ քննարկել է երկու երկրի միջև հարաբերությունների զարգացման հնարավորությունները
Իսրայելը հարվածներ է հասցրել սիրիական Հալեպի և Դեր Զորի ուղղությամբ
Քաղաքականություն
05.05.2020 | 16:23
Իսրայելական օդուժը հրթիռային հարվածներ է հասցրել սիրիական Հալեպ քաղաքից դեպի հարավ-արևելք գտնվող ռազմական պահեստների ուղղությամբ: Այս մասին հաղորդել է սիրիական պետական ՍԱՆԱ գործակալությունը:
«Մեր ՀՕՊ համակարգերի էկրաններին հակառակորդի օդանավեր են հայտնվել, որոնք հարձակվել են Աս-Սֆիրի շրջանում մի քանի ռազմական պահեստների վրա: Հարձակման հետևանքով հասցված վնասի չափը ճշտվում է»,- նշել է գործակալության ռազմական աղբյուրը:
Բացի այդ՝ իսրայելական օդուժը հարձակումներ է գործել Սիրիայի արևելյան Դեր Զոր նահանգում սիրիական բանակի դիրքերի և Հալեպի արվարձանում գտնվող գիտահետազոտական կենտրոնի ուղղությամբ:
Իսրայելի Պաշտպանության բանակի ներկայացուցիչները հրաժարվել են մեկնաբանել հարձակման մասին հաղորդումները:
«Մենք օտարերկրյա լրատվամիջոցների հաղորդագրությունները չենք մեկնաբանում»,- ՏԱՍՍ-ին ասել են իսրայելական բանակի մամուլի ծառայությունից:
Նշենք, որ Իսրայելի ԶՈՒ-ի կողմից Սիրիայի տարբեր շրջանների ուղղությամբ հարձակումները պարբերական բնույթ են կրում: Ապրիլի վերջին Դամասկոսի նահանգի մի քանի բնակավայրերի հրթիռակոծությունը խաղաղ բնակչության շրջանում զոհերի էր հանգեցրել:
