17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ղազախստանի Սենատի նախագահ է ընտրվել Մաուլեն Աշիմբաևը
Քաղաքականություն
04.05.2020 | 15:39
Ղազախստանի խորհրդարանի վերին պալատի պատգամավորներն այսօր Սենատի խոսնակ են ընտրել Մաուլեն Աշիմբաևին: Նախկինում նա զբաղեցրել է երկրի նախագահի աշխատակազմի ղեկավարի առաջին տեղակալի պաշտոնը: Այս մասին գրում է ՏԱՍՍ-ը:
Ավելի վաղ Ղազախստանի ԿԸՀ-ն, նախագահ Կասիմ-Ժոմարտ Տոկաևի հրամանագրի հիման վրա, դադարեցրել էր Սենատի պատգամավոր, Ղազախստանի նախկին նախագահ Նուրսուլթան Նազարբաևի դստեր՝ Դարիգա Նազարբաևայի լիազորությունները:
Իսկ այսօր Ղազախստանի նախագահը Մաուլեն Աշիմբաևին Սենատի պատգամավոր է նշանակել:
Ղազախստանի Սենատը 49 պատգամավոր ունի, որից 15-ին նշանակում է հանրապետության նախագահը: Սենատի պատգամավորները պաշտոնավարում են 6 տարի: Սենատի նախագահի թեկնածուին նույնպես նախագահն է առաջադրում: Նա ընտրվում է փակ, գաղտնի քվեարկությամբ:
Երկրի օրենսդրության համաձայն՝ Ղազախստանի նախագահի՝ պաշտոնից վաղաժամ ազատման, լիազորությունների դադարեցման կամ մահվան դեպքում նրա լիազորություններն անցնում են Սենատի նախագահին:
