04.08.2026 | 13:23
Էլեկտրոմոբիլների՝ մաքսատուրքի արտոնության քվոտայի մնացորդը՝ օգտոստոսի 3-ը ներառյալ
Հատուկ քննարկում Կառավարությունում՝ Նիկոլ Փաշինյանի, Տիգրան Ավինյանի և Արսեն Թորոսյանի մասնակցությամբ
Քաղաքականություն
03.05.2020 | 13:58
Factor.am-ը տեղեկացավ, որ այսօր՝ ժամը 17։00-ին, Կառավարությունում տեղի կունենա հատուկ քննարկում՝ վարչապետ Նիկոլ Փաշինյանի, փոխվարչապետ, պարետ Տիգրան Ավինյանի ու առողջապահության նախարար Արսեն Թորոսյանի մասնակցությամբ։
Այն կհեռարձակվի Հանրային հեռուստաընկերության հատուկ թողարկմամբ։
Արդյոք կորոնավիրուսի հետ կապված վաղվանից մեկնարկող մեղմացումների հա՞րցն է միայն քննարկվելու, թե՞ լինելու են նաև այլ թեմաներ, փորձեցինք ճշտել վարչապետի մամուլի խոսնակ Մանե Գևորգյանից։ Նա, սակայն, ասաց, որ առայժմ չի կարող հայտնել:
«Ամեն դեպքում լինելու է, եթեր է լինելու, մարդիկ զրուցելու են, բայց քանի դեռ անոնսը չկա, քանի դեռ հայտարարված չի, ոչինչ չեմ կարող ասել»,- փոխանցեց խոսնակը։
Անժելա Պողոսյան
