23.02.2026 | 19:08
ՀՀ կառավարությունը որոշում է կայացրել Բեռնում հիմնել ՀՀ ռեզիդենտ դեսպանություն
1,8 մլն դրամով պարգևատրվել են Երևանի փոխքաղաքապետն ու քաղաքապետի խորհրդականը
01.05.2020 | 13:26
Երևանի քաղաքապետ Հայկ Մարությանը 1,8 մլն ՀՀ դրամով պարգևատրել է փոխքաղաքապետ Հայկ Սարգսյանին և իր խորհրդական Կարեն Համբարձումյանին: Ուշագրավ է, որ կարգադրությունը ստորագրվել է ապրիլի 20-ին, մինչդեռ քաղաքապետարանը հայտարարել էր, որ պարգևատրումների ֆոնդը կուղղվի կորոնավիրուսի համաճարակի դեմ պայքարող բուժաշխատողներին։
Կարգադրության մեջ մասնավորապես նշված է․ « Ղեկավարվելով ՀՀ Աշխատանքային օրենսգրքի 219-րդ հոդվածի 1-ին մասի 2-րդ կետով և հաշվի առնելով Երևանի քաղաքապետի տեղակալ Հայկ Սարգսյանի և քաղաքապետի խորհրդական Կարեն Համբարձումյանի կողմից աշխատանքային և ծառայողական պարտականությունները բարեխղճորեն և բարձր որակով կատարելու հանգամանքը.
1.Երևանի քաղաքապետի տեղակալ Հայկ Սարգսյանին և քաղաքապետի խորհրդական Կարեն Համբարձումյանին խրախուսել դրամական պարգևատրմամբ 1800,0-հազարական /մեկ միլիոն ութ հարյուր հազար/ դրամի չափով՝ Երևան քաղաքի 2020թ. բյուջեով նախատեսված պարգևատրման ֆոնդի հաշվին:
2.Սույն կարգադրության կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ֆինանսական վարչության պետի վրա:
3.Կարգադրության կատարման հսկողությունը դնել Երևանի քաղաքապետի տեղակալ՝ Տ. Վիրաբյանի վրա»։
