16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ռոբերտ Քոչարյանը մի քանի օր կմնա «Իզմիրլյան» բժշկական կենտրոնում
Հասարակություն
29.04.2020 | 15:01
Մարտի մեկի գործով մեղադրվող երկրորդ նախագահ Ռոբերտ Քոչարյանին ԱԱԾ մեկուսարանից տեղափոխել են «Իզմիրլյան» բժշկական կենտրոն՝ հետազոտությունների: Նա մի քանի օր մնալու է հիվանդանոցում, հետազոտության արդյունքներից ելնելով՝ պարզ կլինի, թե որքան պետք է շարունակի բուժումը: Այս մասին Factor.am-ին փոխանցեց Ռ․ Քոչարյանի որդին՝ Լեւոն Քոչարյանը: «Նախնական հետազոտության արդյունքում է բուժող բժիշկը անհրաժեշտ համարել հավելյալ հետազություններ և բուժում հիվանդանոցային պայմաններում: Այս պահին չգիտեմ՝ ինչպես է իրեն զգում, երեկոյան եմ այցելելու»,- նշեց Լ․ Քոչարյանը: Հիշեցնենք, որ 2019 թվականի հոկտեմբերի 9-ին Ռոբերտ Քոչարյանին «Իզմիրլյան» բժշկական կենտրոնում վիրահատել էին։
Ի դեպ, նախորդ շաբաթ Քոչարյանի փաստաբանները միջնորդություն էին ներկայացրել փոխել նրա նկատմամբ ընտրված խափանման միջոցը։ Նրանք որպես հիմնավորում նշել էին երկրում առկա կորոնավիրուսի համաճարակը, քանի որ ըստ նրանց Քոչարյանը գտնվում է վարակման տարիքային ռիսկային խմբում:
Հավելենք, որ վերջերս էլ՝ մարտի 9-ից մինչեւ ապրիլի 3-ը, Ռոբերտ Քոչարյանը գտնվում էր «Էրեբունի» ԲԿ-ում։ Նրա գրասենյակի ղեկավարի փոխանցմամբ՝ Քոչարյանը ճնշման տատանման հետ կապված խնդիրներ ուներ։
Նարեկ Կիրակոսյան
