15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԱՄՆ-ի երեք նահանգներում վերաբացվում են փակված խանութներն ու ծառայությունները
Քաղաքականություն
26.04.2020 | 16:01
ԱՄՆ-ի երեք նահանգներ թույլ են տվել այստեղ վերաբացել խանութների մի մասը, երկիր, որտեղ շաբաթ օրվա տվյալներով կորոնավիրուսից մահացածների թիվն անցել է 52 հազարը: Ջորջիա եւ Օքլահոմա նահանգներում կարող են բացվել լողավազանները, Ալյասկայում` ռեստորանները: Սակայն հաճախորդները պարտավոր են ենթարկվել սոցիալական հեռավորություն պահպանելու կանոններին:
Ջորջիա նահանգում վերաբացվում են բոուլինգի սրահները, մազերի ու եղունգների հարդարման սրահները, վարսավիրանոցները եւ անձնական խնամքի այլ ծառայություններ: Երկուշաբթի օրվանից այստեղ կվերաբացվեն նաեւ թատրոնները:
Ինչպես տեղից են հաղորդում, նշված նահանգների որոշ քաղաքներ որոշել են շարունակել սահմանափակումները:
Այսօր ԱՄՆ-ու ավելի մեծաթիվ նահանգներ են ցանկանում հրաժարվել կորոնավիրուսի պատճառով սկսված սահմանափակումներից ու արգելքներից, երբ մարտ ամսից ի վեր գործազրկության մակարդակը երկրում հասել է 26 միլիոնի, ինչը կազմում է ամբողջ բնակչության 15 տոկոսը:
Առողջապահության հարցերով փորձագետները, սակայն, նախազգուշացնում են, որ սահմանափակումները մեղմելու հանգամանքը կարող է դառնալ կորոնավիրուսի տարածման նոր ալիքի պատճառ:
Ուրբաթ օրն անցկացված անհամեմատ կարճ մամլո ասուլիսի ժամանակ նախագահ Դոնալդ Թրամփն ասել է, թե ստորագրել է տնտեսությանը զարկ տալու նպատակ ունեցող 484 միլիարդ դոլարի մի ծրագիր: Թրամփն ասել է, թե ինքն ուզում է արագացնել տնտեսության վերականգնման գործընթացը:
Կովիդ 19 հիվանդության տարածման ընթացքում սա տնտեսությանը նպաստելու Վաշինգտոնի կողմից ներկայացված չորրորդ ծրագիրն է:
