01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Իրանը հետևում է ԱՄՆ-ի գործողություններին, բայց առաջինը պատերազմ չի սկսի. Ռոհանի
Քաղաքականություն
25.04.2020 | 21:58
Իրանն ուշադիր հետևում է տարածաշրջանում ԱՄՆ գործողություններին, բայց երբեք առաջինը պատերազմ չի սկսի: Կատարի էմիր շեյխ Թամիմ բին Համադի Ալ Թանիի հետ հեռախոսազրույցում այս մասին հայտարարել է ԻԻՀ նախագահ Հասան Ռոհանին, գրում է ԻՌՆԱ-ն:
«Իրանի Իսլամական Հանրապետությունը շատ ուշադիր հետևում է ամերիկացիների գործողություններին, բայց երբեք առաջինը հակամարտություն և լարվածություն չի սկսի»,- ասել է Ռոհանին՝ մեկնաբանելով Պարսից ծոցում ԱՄՆ-ի վերջին գործողությունները:
Օրերս, հիշեցնենք, ԱՄՆ նախագահ Դոնալդ Թրամփը հայտարարեց, որ ամերիկյան ՌԾՈՒ-ին հրահանգել է Պարսից ծոցում կրակ բացել իրանական ռազմանավերի ուղղությամբ, Թեհրանն իր հերթին համանման պատասխան սպառնալիք հնչեցրեց:
