Կառավարության նիստի ժամանակ վարչապետ Նիկոլ Փաշինյանն առողջապահության նախարար Արսեն Թորոսյանից հետաքրքրվեց, թե ինչ իրավիճակ ունենք կորոնավիրուսի շրջանակներում:
«Անցնող օրվա դրությամբ ունեցել ենք նոր 48 հաստատված դեպք և 61 առողջացած, հետևաբար կարող ենք ասել, որ դրական բալանսով ենք փակել օրը: Այսինքն՝ մեր ակտիվ դեպքերի թիվը 14-ով կրճատվել է: Ընդհանուր հաստատված դեպքերի թիվը եղել է 1159-ը: Նույն միջոցառումները շարունակվում են, կարող եմ տեղեկացնել, որ այս ամբողջ ընթացքում մոտ 1500 հոգուց ավելին կարանտինից դուրս է եկել: Նշեմ նաև, որ կարանտինում գտնվող անձանցից մոտ 300-ի մոտ հաստատվել է դրական արդյունք: Սա ասում եմ նրա համար, որ հասկանալի լինի, որ կարանտին այս մեթոդները շատ արդյունավետ են: Եթե մենք դրանք արած չլինեինք, ապա մենք մոտ 300 քաղաքացու հետազոտած ու հաստատած չէինք լինի, հնարավոր է, որ ավելի մեծ տարածում ունենայինք»,- նշեց Թորոսյանը:
Մանրամասները՝ տեսանյութում:
