28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ռիո դե Ժանեյրոյում Հիսուս Քրիստոսի արձանը բժշկական արտահագուստի գույներով է լուսավորվել՝ ի նշան երախտագիտության աշխարհի բժիշկներին․ CNN
Քաղաքականություն
14.04.2020 | 21:03
Բրազիլիայի Ռիո դե Ժանեյրո քաղաքում գտնվող Հիսուս Քրիստոսի արձանը լուսավորվել է բժշկի արտահագուստ հիշեցնող գույներով։ Սա արվել է՝ ի նշան զորակցության աշխարհի բոլոր այն բուժաշխատողներին, որոնք այս օրերին առաջնագծում պայքարում են կորոնավիրուսի համավարակի դեմ։ Այս մասին հայտնում է CNN-ը։
Քրիստոսի արձանը լուսավորվել է նաև կորոնավիրուսից տուժած երկրներից մի քանիսի դրոշներով։ Բացի այդ, արձանի վրա տարբեր լեղուներով հայտնվել են «շնորհակալություն» բառը և դիմակով բուժաշխատողների լուսանկարներ։
Այդ ընթացքում Ռիո դե Ժանեյրոյի արքեպիսկոպոս Օրանի Տեմպեստան արձանի ներքևում պատարագ է մատուցել։
Նշենք, որ կորոնավիրուսային համավարակի ընթացքում սա Քրիստոսի արձանի թեմատիկ լուսավորման երկրորդ արարողությունն է։ Առաջին անգամ այն լուսավորվել էր այն երկրների դրոշներով, որտեղ կորոնավիրուսի հաստատված դեպքեր էին գրանցվել։
Հավելենք, որ աշխարհում նոր կորոնավիրուսով վարակվածների թիվը մոտենում է 2 միլիոնին։ Վերջին տվյալներով՝ աշխարհում կա 1 մլն 956․178 վարակակիր։ Մահվան դեպքերը 123․ 450-ն են, իսկ ապաքինվածների թիվը գերազանցում է 462 հազարը։
Նելլի Մելքոնյան
