17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Արցախում կորոնավիրուսով վարակի երեք աղբյուր կա․ Գրիգորի Մարտիրոսյան. ՏԵՍԱՆՅՈՒԹ
14.04.2020 | 18:24
«Իրավիճակը լրիվությամբ հսկվում է։ Ունենք վարակի երեք աղբյուր, որոնցից երկուսը լրիվ վերահսկելի է ու սահմանափակված է, մյուսի վրա դեռ շարունակում ենք աշխատել, քանի որ մի քիչ ավելի խոշոր բնակավայր է»,- քվեարկելուց հետո տեղեկացրեց Արցախի պետնախարար, պարետ Գրիգորի Մարտիրոսյանը։
Թեկուզ կորոնավիրուսի պայմաններում ընտրություններ անցկացնելը Սահմանադրության պահանջն է, և ըստ պետնախարարի, նախագահն իրավասու չէր Արտակարգ իրավիճակից բացի այլ ռեժիմ սահմանել։ Գրիգորի Մարտիրոսյանը, որ պետնախարարի պաշտոնում նշանակվեց Արայիկ Հարությունյանի հեռանալուց հետո, դեռ չի հանդիպել նախագահի այդ թեկնածուի հետ, բայց պատրաստ է իր կարողությունները ծառայեցնել Արցախին, լինի՝ մասնավոր, թե պետական հատվածում։
Արտակարգ իրավիճակ երկու օր է, ինչ սահմանվել է Արցախում, և պետնախարարը երկարաձգման մասին դեռ չի մտածում։ Կորոնավիրուսով վարակակիրներ կան Քաշաթաղի շրջանից, Քարվաճառ քաղաքից և Ասկերանի շրջանի Նորագյուղ համայնքից․ «Չանվանեք դա օջախ, այդ գյուղում կան մարդիկ, որ շփվել են ոչ թե վարակակրի, այլ՝ կոնտակտավորի հետ, և նրանց նկատմամբ կիրառվել է ինքնամեկուսացման մեխանիզմ»,- ասաց Գրիգորի Մարտիրոսյանը։
