13.07.2026 | 22:50
Մեծ Բրիտանիան Իսլամական հեղափոխության պահապանների կորպուսը կներառի ահաբեկչական կազմակերպությունների ցանկում
Հրդեհ Գյումրիի 102-րդ ռուսական ռազմաբազայում. ՏԵՍԱՆՅՈՒԹ
14.04.2020 | 13:57
Գյումրիում տեղակայված 102-րդ ռուսական ռազմաբազայում հրդեհ է բռնկվել: ՀՀ ԱԻՆ Ճգնաժամային կառավարման կենտրոնն ահազանգը ստացել է առավոտյան 09:27-ին, տեղեկանում ենք նախարարության մամուլի ծառայությունից:
Հրդեհը բռնկվել է ռազմական տեխնիկայի պարկում: Կրակը մեկուսացվել է ժամը 10:00-ին, մարվել՝ 10:05-ին:
Հրդեհի հետևանքով այրվել է ռազմաբազայի ավտոկայանատեղիում կայանված ԿամԱԶ մակնիշի բեռնատար:
Հարավային ռազմական օկրուգի մամուլի ծառայության տեղեկացմամբ՝ կրակն առաջացել է էլեկտրահաղորդիչների կարճ միացման հետևանքով:
«Հրշեջների օպերատիվ գործողությունների շնորհիվ հաջողվել է արագորեն մարել կրակը: Զոհեր և վիրավորներ չկան, հարակից օբյեկտներին վտանգ չի սպառնում»,- ասված է ՀՌՕ հաղորդագրությունում:
Պատահարի պատճառները պարզելու համար ՀՌՕ հրամանատարությունն իրավապահների հետ համատեղ հետաքննություն է իրականացնում:
