17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ֆեյսբուքում «լայք» դնելը բռնության կոչ արդարացնելը չէ. Վլադիմիր Վարդանյան. ՏԵՍԱՆՅՈՒԹ
Հասարակություն
14.04.2020 | 13:16
Բռնության հրապարակային կոչերն ու դրանց արդարացումը քրեականացնելու դեպքում պետք է ապացուցման և հանցակազմի շեմը հնարավորինս բարձր դրվի։ Նման տեսակետ հայտնեց ԱԺ պետական-իրավական հարցերի մշտական հանձնաժողովի նախագահ, «Իմ քայլը» խմբակցության պատգամավոր Վլադիմիր Վարդանյանը Ազգային ժողովի նիստում Կառավարության ներկայացրած ՀՀ քրեական օրենսգրքում լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների նախագծերի փաթեթի քննարկման ժամանակ։
«Ինչ վերաբերում է ապացուցման և հանցակազմի շեմին, ժողովուրդ ջան, այո՛, ՀՀ-ում արդարադատություն իրականացնողները, այսինքն՝ դատավրները, հնարավորինս բարձր շեմ պետք է դնեն, որովհետև ոչ բոլոր մտքերն են, որ պետք է ընկնեն այս ձևակերպումների ներքո։ Առաջին էլեմենտը պետք է լինի արարք, խոսք, բռնության կոչեր, և բռնության կոչերը ոչ թե պետք է լինեն անձի նկատմամբ, այլ ուղղված լինեն համապատասխան մարդկային խմբերի դեմ՝ որպես տեսակի դեմ»,- մանրամասնեց պատգամավորը։
Նա անդրադարձավ նաև «Բարգավաճ Հայաստան» խմբակցության պատգամավոր Գևորգ Պետրոսյանի հարցադրմանն այն մասին՝ արդյո՞ք ֆեյսբուքում լայք դնելը կհամարվի բռնության կոչի արդարացում:
«Ես հստակ նշեցի՝ արդարացնելը ֆեյսբուքում լայք դնելը չէ կամ որոշակի առումով ինչ-որ շրջապատում հայտարարություններ անելը։ Խոսքը վերաբերում է ակտիվ գործողություններին, որոնց միջոցով դու արդարացնում ես տեղի ունեցածը»,- նշեց Վարդանյանը։
Մանրամասները՝ տեսանյութում:
