Եվս երկու մահ ենք ունեցել, ֆեյսբուքյան ուղիղ եթերում հայտարարեց վարչապետ Նիկոլ Փաշինյանը։
Վարչապետը նշեց, որ երեկ 685 մարդ թեստավորվել է, որից դրական է եղել 28-ը։ Նա ասաց, որ առաջին անգամ դրական դեպքերը գրեթե կրկնակի քիչ են, քան՝ առողջացած դեպքերը։ Վարչապետի խոսքով՝ երեկվա դրությամբ 54 առողջացման դեպք է գրանցվել:
Նիկոլ Փաշինյանն ընդգծեց, որ կա հնարավորություն ջարդելու վարակի ողնաշարը։ «Շատ մեծ բան է կախված մեզանից, յուրաքանչյուրի պատասխանատվությունից», – նշեց Փաշինյանը։
Նա ասաց, թե, ի հեճուկս լավ նորությունների, համոզվածություն չկա, որ պիկը թիկունքում է։
Հիշեցնենք, որ ապրիլի 13-ի տվյալներով Հայաստանում կորոնավիրուսով վարակված էր 1039 քաղաքացի, մահացել էր 14-ը:
