17.12.2025 | 13:25
FIFA The Best. Մեսիի ընտրությունը, Ռոնալդուն դարձյալ չի քվեարկել
«Հերիք եղավ էլի»․ Արարատ Միրզոյանը՝ Էդմոն Մարուքյանին. ՏԵՍԱՆՅՈՒԹ
Քաղաքականություն
13.04.2020 | 18:31
ԱԺ նախագահ Արարատ Միրզոյանն Ազգային ժողովի հատուկ նիստում հայտարարեց, որ պատրաստ է քվեարկության դնել «Լուսավոր Հայաստան» խմբակցության ներկայացրած նախագիծը, թեև այն ոչ թե նախագիծ է, այլ, ըստ էության, առաջարկությունների փաթեթ։ Միրզոյանի ասածը, սակայն, թեժ բանավեճի առիթ դարձավ «Լուսավոր Հայաստան» խմբակցության ղեկավար Էդմոն Մարուքյանի ու ԱԺ նախագահի միջև։
«Օրենքի տառը պահպանված է, չի համապատասխանում, մի՛ դրեք քվեարկության»,- տեղից արձագանքեց Մարուքյանը։
ԱԺ նախագահը հակադարձեց. «Ախր ասացի հայերեն, պարո՛ն Մարուքյան, լսե՛ք։ Գրված է՝ «Ֆրակցիայի որոշումը միջոցառումները վերացնելու մասին», թվարկված են միջոցառումներ, որոնք չկան այն որոշման մեջ, որտեղ իրենք այդ սահմանափակումը դրել են: Հերիք եղավ, էլի»։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
