18.12.2025 | 16:04
Ռուսաստանն ԱՄՆ-ի հետ շփումներ է ծրագրում․ Պեսկով
Չունեմ երեխա, չգրանցված աշխատող եմ, բայց ես ևս ուտել եմ ուզում․ Զոհրաբյանը ներկայացրեց քաղաքացու հարցը. ՏԵՍԱՆՅՈՒԹ
Հասարակություն
13.04.2020 | 17:57
«Բարգավաճ Հայաստան» խմբակցության պատգամավոր Նաիրա Զոհրաբյանն Ազգային ժողովի հատուկ նիստում ունեցած ելույթում կրկին անդրադարձավ օրավարձով աշխատողների և բոլոր այն քաղաքացիների խնդիրներին, ովքեր ներգրավված չեն Կառավարության աջակցության փաթեթներում։
«Ինձ դիմում են և ասում՝ ես չունեմ երեխա, բայց ես ևս ուտել եմ ուզում: Ինչպե՞ս պետք է լուծվի այս մարդկանց խնդիրը»,- ասաց պատգամավորը:
Զոհրաբյանն անդրադարձավ նաև գյուղվարկերի խնդիրներին՝ ընդգծելով, որ կան քաղաքացիներ, ովքեր ունեն լավ վարկային պատմություն, դիմել են վարկի համար, սակայն մինչ այժմ որևէ արձագանք չեն ստացել։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
