25.04.2026 | 11:33
Հռոմում կայացել է Հայոց ցեղասպանության 111-րդ տարելիցին նվիրված միջոցառում
«Տաշիր»-ը 20 հազար դոլար է նվիրաբերել «Հայաստան» հիմնադրամին. այդ միջոցներով կկազմակերպվի ՌԴ-ից ՀՀ քաղաքացիների տեղափոխումը
11.04.2020 | 18:57
«Տաշիր» բարեգործական հիմնադրամը համաճարակի դեմ ուղղված համահայկական դրամահավաք-արշավին նվիրաբերել է 20.000 դոլար։ Այս մասին տեղեկանում ենք «Հայաստան» համահայկական հիմնադրամի մամուլի ծառայությունից:
««Հայաստան» համահայկական հիմնադրամը այդ միջոցները հատկացնում է մեր հայրենակիցներին Ռուսաստանից Հայաստան տեղափոխումը կազմակերպելուն։ Ապրիլի 12-ին «Տաշիր» բարեգործական հիմնադրամի, ՌԴ-ում ՀՀ դեսպանության և ԱԺ պատգամավոր Արման Բաբաջանյանի հետ սերտ համագործակցության արդյունքում 60 հայրենակից կվերադառնա Հայաստան:
Ապրիլի 11-ի դրությամբ, հիմնադրամի առցանց դրամահավաք-արշավի հաշվեհամարին արդեն հավաքագրվել է 208,559.49 դոլար՝ նախատեսված գումարի 104.28%-ը: Դրամահավաքը շարունակվում է։ Դուք ևս կարող եք մասնակցել COVID-19 համաճարակի դեմ մղվող պայքարին՝ միանալով առցանց արշավին:
Դրամահավաք-արշավի վերաբերյալ ամփոփիչ հաշվետվությունը կներկայացվի ծրագրի ավարտին: Նվիրատուների ամբողջական ցուցակին կարող եք ծանոթանալ հիմնադրամի առցանց դրամահավաք-արշավի էջում»,- ասված է հաղորդագրությունում:
