25.04.2026 | 11:33
Հռոմում կայացել է Հայոց ցեղասպանության 111-րդ տարելիցին նվիրված միջոցառում
Ուկրաինայի հայ համայնքի 4 ներկայացուցիչ վարակվել է կորոնավիրուսով. AnalitikaUA
11.04.2020 | 18:38
Ուկրաինայի հայ համայնքի 4 ներկայացուցիչ վարակվել է կորոնավիրուսով: AnalitikaUA.net-ին այս մասին հայտնել է Ուկրաինայի հայերի միության գործադիր տնօրեն Հովակիմ Հարությունյանը:
Նրա խոսքով՝ վարակվածները մեկ ընտանիքի անդամներ են, բոլորը հոսպիտալացվել են:
Անդրադառնալով Հայաստան վերադառնալ ցանկացողների հարցին՝ նա նշել է, որ մոտ 30 քաղաքացի մեկնելու ցանկություն է հայտնել, սակայն այս պահին նման հնարավորություն չկա:
Ներկայում Ուկրաինայում կորոնավիրուսով վարակվածների թիվը գերազանցում է 2500-ը:
Հիշեցնենք, որ ուկրաինական ավիաընկերությունը մարտի 25-ին չարտերային չվերթ է իրականացրել Երևանից, որտեղից Կիև է մեկնել Ուկրաինայի և Հայաստանի 92 քաղաքացի: Չվերթն իրականացվել է Հայաստանում Ուկրաինայի դեսպան Իվան Կուլեբայի և ուկրաինացի դիվանագետների ջանքերի շնորհիվ:
