25.04.2026 | 11:33
Հռոմում կայացել է Հայոց ցեղասպանության 111-րդ տարելիցին նվիրված միջոցառում
Մենք դեռ երկար պետք է ապրենք կորոնավիրուսի հետ․ Արսեն Թորոսյան. ՏԵՍԱՆՅՈՒԹ
10.04.2020 | 13:57
Կորոնավիրուսից պաշտպանվելու համար դիմակ, այնուամենայնիվ, արժե կրել։ Առողջապահության և սոցիալական հարցերի խորհրդարանական մշտական հանձնաժողովի նիստի ժամանակ նման կարծիք հայտնեց առողջապահության նախարար Արսեն Թորոսյանը՝ պատասխանելով ԲՀԿ-ական պատգամավոր Սերգեյ Բագրատյանի հարցին։
Նախարարի խոսքով՝ դիմակ և ձեռնոց կրել-չկրելու հարցը շատ կարևոր է այն համատեքստում, որ դեռ երկար պետք է ապրենք կորոնավիրուսի հետ։ Դիմակ կրելու նպատակը, նրա խոսքով, «որևէ տեղից բերան, քիթ, աչք վիրուս չտանելն է». երբ մարդն առանց դիմակի է քայլում, կարող է պատահաբար ձեռքը տանել դեպի քիթը կամ բերանը, ինչը մեծացնում է կորոնավիրուսով վարակվելու ռիսկը։ Դիմակ կրելու դեպքում մարդը դեմքին չի դիպչի։
«Իսկ եթե շատ խիտ տեղ ենք, դիմակը թույլ չի տալիս, որ շնչելու արդյունքում օդի կաթիլներ կամ հեղուկի կաթիլներ փոխանցենք: Նույնը ձեռնոցն է: Սակայն այն ավելի վտանգավոր է, եթե չի փոխվում ու պատշաճ չի հանվում: Մենք դեռ պետք է երկար ապրենք կորոնավիրուսի հետ», – ասաց նախարարը:
Նա հիշեցրեց, որ ԱՀԿ-ն այժմ խորհուրդ է տալիս նույնիսկ կտորից դիմակ կրել, սակայն պետք է ամեն օր պատշաճ լվանալ, որպեսզի դրա մեջ վտանգավոր հարուցիչներ չմնան։
«Ցանկալի է կրել, բայց այն, թե ինչքան դիմակը կպաշտպանի, կախված է հենց մարդուց: Նույն ձեռքեր լվանալը շատ ավելի կարևոր է, քանի դիմակ կրելը, սակայն ձեռքեր լվանալու հնարավորություն ամեն պահի կարող է չլինել: Դիմակ կրել խորհուրդ է տրվում ամեն տեղ: Ես ժամանակին ասել եմ, որ կարիք չկա, բայց հիմա նոր խորհուրդներով ասում եմ, որ խորհուրդ է տրվում կրել»,- ասաց նախարարը:
Մանրամասները՝ տեսանյութում:
