20.02.2026 | 09:43
Երևանի շենքերից մեկի բակում ավտոմեքենաներ են այրվել
Ցրտահարություն է գրանցվել, վնասվել են ծիրանի այգիներ. Էկոնոմիկայի նախարար. ՏԵՍԱՆՅՈՒԹ
Տնտեսություն
09.04.2020 | 11:57
Այս գիշեր բավական լարված էինք, որովհետև ցրտահարության վտանգ կար: Այս մասին Կառավարության նիստի ժամանակ ասաց ՀՀ վարչապետ Նիկոլ Փաշինյանը:
«Կարող ենք արձանագրել, որ շատ թե քիչ նորմալ է անցել: Համենայն դեպս, այս պահին էական վնասների մասին տեղեկություն չունենք հանրապետության մասշտաբով: Արցախում ևս որևէ խնդիր չկա»,- ասաց վարչապետը:
Էկոնոմիկայի նախարար Տիգրան Խաչատրյանն էլ հավելեց. «Այս գիշեր Արարատի մարզում զրոյից բարձր է եղել ջերմաստիճանը: Արմավիրի մարզում առանձին հատվածներում եղել է զրոյից ցածր ջերմաստիճան: Այնտեղ հիմա մեր մասնագետները փորձում են պարզել, թե որտեղ է ցրտահարություն արձանագրվել: Դրանք Բաղրամյանի շրջանի և Արագածոտնի մարզի որոշ բնակավայրեր են, որոնք սահմանակից են Արմավիրի մարզին: Օրվա ընթացքում տվյալները կճշտվեն, վնասված են լինում հիմնականում որոշ ծիրանի այգիներ, բայց Արարատի և Արմավիրի մարզերում լայնամասշտաբ ցրտահարության վտանգը պետք է անցյալում համարել»:
Մանրամասները՝ տեսանյութում։
