11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Չինական Ուհանն այսօր կարանտինից դուրս է գալիս. CNN
Քաղաքականություն
08.04.2020 | 11:53
Չինական Ուհան քաղաքը, որտեղից 2019-ի դեկտեմբերին նոր կորոնավիրուսային պանդեմիան սկիզբ էր առել, այսօր կարանտինից դուրս է գալիս։ Վերաբացումից հետո էլ, այնուամենայնիվ, քաղաքում որոշակի սահմանափակումներ են գործելու։ Այս մասին հայտնում է CNN—ը։
11 միլիոն բնակչություն ունեցող քաղաքն աշխարհից մեկուսացել էր դեռ հունվարի 23-ից։
CNN-ի փոխանցմամբ՝ Ուհանում կվերագործարկվի տրանսպորտը, ինչպես նաև կվերսկսեն չվերթները։ Ուհանի երկաթուղու տնօրինությունը տեղեկացրել է, որ միայն այսօր 55․000 քաղաքացի երկաթուղով քաղաքից դուրս կգա։
Ուհանի համաճարակային վերահսկման գծով պաշտոնյա Լուո Փիգն էլ հայտնել է, որ քաղաքը կարանտինից հանելը ամբողջական ռեստարտի է նման։ Ըստ նրա՝ քաղաքի առաջ այժմ դժվար առաջադրանք է դրված․ կանխել բերովի դեպքերը և տեղական վարակների կրկնությունը։
«Ուհանի վերաբացումը չի նշանակում, որ ամեն ինչ վերջացել է, քաղաքը մաքուր է, և որ համաճարակի կանխարգելման ու հսկիչ միջոցառումները պետք է թուլացնենք»,- ասել է Լուո Փինգը։
Հավելենք, որ մինչ օրս Չինաստանում կորոնավիրուսով վարակվել է 81․802 քաղաքացի, մահացել՝ 3333։ Ապաքինվածների թիվը Չինաստանում 77․279 է։
Նելլի Մելքոնյան
