19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ադրբեջանը շփման գծում ռազմական օբյեկտ է գնդակոծել, հայկական կողմը պատասխան է տվել. Մարիա Զախարովա
Քաղաքականություն
19.05.2017 | 10:58
Ռուսաստանի ԱԳՆ պաշտոնական ներկայացուցիչ Մարիա Զախարովան մայիսի 18-ին տեղի ունեցած ճեպազրույցի ընթացքում անդրադարձել է Լեռնային Ղարաբաղում վերջին օրերին տիրող լարվածությանը. այս մասին տեղեկանում ենք ՌԴ ԱԳ նախարարության պաշտոնական կայքից:
«Ռուսաստանը` որպես ԼՂ հակամարտության կարգավորման միջնորդ երկիր, դատապարտում է հրադադարի ռեժիմի խախտումը և կողմերին կոչ է անում միջոցներ ձեռքնարկել՝ հակամարտության գոտում հետագա լարվածությունը կանխարգելելու համար:
Տարբեր աղբյուրներից ստացված տեղեկությունների համաձայն՝ մայիսի 15-ին ադրբեջանական կողմը գնդակոծել է շփման գծի մյուս կողմում գտնվող ռազմական օբյեկտը, ինչին պատասխանել է մյուս կողմը: Իրարամերժ տեղեկություններ կան հարվածի նշանակետի, մարդկային կորուստների և վնասների մասին: Ես ևս մեկ անգամ վերահաստատում եմ Ռուսաստանի սկզբունքային դիրքորոշումն այս հարցի շուրջ»,- ասել է ՌԴ ԱԳՆ ներկայացուցիչը:
