26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ճգնաժամի պայմաններում հարկաբյուջետային քաղաքականության մեջ ի՞նչ փոփոխություններ են սպասվում են․ հարց՝ ֆինանսների նախարարին. ՏԵՍԱՆՅՈՒԹ
Տնտեսություն
07.04.2020 | 12:08
ԱԺ տնտեսական հարցերի մշտական հանձնաժողովը քննարկում է Հայաստանի Կառավարության ծրագրի 2019 թվականի կատարման ընթացքի և արդյունքների մասին զեկույցը։ Ֆինանսների նախարար Ատոմ Ջանջուղազյանը ներկայացրեց 2019 թվականի բյուջեի կատարողականը։
«Ի՞նչ փոփոխություններ եք նախատեսում հարկաբյուջետային քաղաքականության մեջ այս ճգնաժամային պայմաններում, ի՞նչ ուղղություններով, ի՞նչ է արվում կապիտալ ծախսեր իրականացնելու մեր կարողությունների շտապ մոբիլիզացնելու ուղղությամբ, որպեսզի դրանք արագ սկսենք ներարկումներ կատարել դեպի տնտեսություն»,- հարցրեց «Բարգավաճ Հայաստան» խմբակցության պատգամավոր Սերգեյ Բագրատյանը։
«2017 թվականին ԱԺ-ի կողմից ընդունված հարկաբյուջետային կանոնների շրջանակում մինչ այժմ ձևակերպված հարկաբյուջետային քաղաքականությունը միտված է եղել պարտքի կայունացմանը, բայց այն ժամանակ, երբ առկա են բացասական ազդեցության ռիսկեր տնտեսական զարգացումների տեսանկյունից, հարկաբյուջետային քաղաքականությունը, որպես գործիք, դառնում է լավագույնը կամ գրեթե միակը, որի միջոցով պետք է ջանք գործադրվի, որպեսզի մեղմվի այդ ազդեցությունը: Հիմա քննարկումների փուլում ենք, և դրանով է պայմանավորված, որ առայժմ ԱԺ-ին չենք ներկայացրել Բյուջեի մասին օրենքի հնարավոր փոփոխությունների նախագիծը»,- պատասխանեց Ջանջուղազյանը։
Մանրամասները՝ տեսանյութում:
