18.11.2024 | 19:10
Սրա վերջը եկե՞լ է. Փաշինյանի «խնդրանքից» հետո 6 բարձրաստիճան պաշտոնյա հրաժարականի դիմում է գրել․ ՏԵՍԱՆՅՈՒԹ
ՄԻՊ-ը Ռոբերտ Քոչարյանին ԱԱԾ մեկուսարան տեղափոխելու հարցով գրություն է ուղարկել ՔԿԾ ղեկավարին
Հասարակություն
04.04.2020 | 20:58
Մարդու իրավունքների պաշտպանի գրասենյակը Մարտի 1-ի գործով մեղադրյալ Ռոբերտ Քոչարյանին բուժհաստատությունից քրեակատարողական հիմնարկ տեղափոխելու վերաբերյալ փաստաբանների բողոքի հիման վրա գրություն է հասցեագրել Քրեակատարողական ծառայության ղեկավարին։ Այս մասին Factor.am-ին փոխանցում են ՄԻՊ-ից:
Միաժամանակ, ՄԻՊ-ից տեղեկացրեցին, որ կապ են հաստատել Քրեակատարողական ծառայության հետ և ճշտել, որ Ռոբերտ Քոչարյանին բուժհաստատությունից ՔԿՀ տեղափոխումը կապված է այն բանի հետ, որ առկա է բժշկական համապատասխան ցուցում։
Հիշեցնենք, որ մարտի 8-ից նախ «Նաիրի», ապա «Էրեբունի» բժշկական կենտրոնում ստացիոնար բուժում ստանալուց հետո երեկ՝ ապրիլի 3-ի առավոտյան Ռոբերտ Քոչարյանը տեղափոխվել է «Երևան-Կենտրոն» քրեակատարողական հիմնարկ:
Մինչդեռ փաստաբաններն ահազանգում են, որ Քոչարյանի առողջական վիճակը թույլ չի տալիս, որ նա պահվի ՔԿՀ-ում՝ հաշվի առնելով նաև այն հանգամանքը, որ ՔԿՀ–ի աշխատակիցները դեռ չեն հանձնել կորոնավիրուսի թեստը։
Նարեկ Կիրակոսյան
